KELLY花花宇宙演唱會特輯
新鮮滾熱辣!一休剛剛係紅館睇完Kelly個Concert番屋企,同大家分享下一休對今次Concert的感覺啦!
場地~
Kelly今次開三面台,但個台放左係紅館其中一角,即係差不多全部固定的座位都對唔正個台,但就方便左側邊的觀眾,唔會同個台"平排".一休坐$100位,所以個台係點好清楚.今次個台好普通,亦唔係好大,不過係中間同山頂兩旁都有大螢幕,所以都好清楚.
形象~
Kelly今次的歌衫,相信大家係報紙都睇左幾日,好多都係名牌,靚就真係靚,不過冇乜特色.
歌曲~
Kelly全晚唱左廿幾首歌,差不多出道以來所以Hit歌都唱勻晒.Kelly首先以主題曲"花花宇宙"開場,跟著係"戀愛情色".一路都尾都係Hit歌.一休認為Kelly現場演繹慢歌水準不錯,一休比較欣賞的有"對你太在乎"/"Take My Hand".而快歌方面,kelly只唱了六首(連encore),其實已進步了不少,但始終不是強項,尤其是兩首國語作"三秒鐘"/"情不自禁",希望Kelly可以繼續努力.
嘉賓~
Kelly今晚的嘉賓是王力宏,一休有D失望,因為平時都冇乜聽佢唱歌,而且他們合唱國粵混合"都是你的錯",但Kelly之前已唱左一次,所以幾悶.至於"必然"嘉賓Online,他們又合唱"紀念日",冇乜新意,反而Online唱"點夠喉"仲正!
氣氛~
全晚氣氛都算幾好,有幾多螢光棒,又多掌聲.而全晚最有氣氛係encore時,Kelly猛叫大家起身,好多人都起晒身,幾high!
精選靚相~~
將平凡成為迎風的帆,將搖籃成為藍天的藍,細世界會變花花世界.......
come and take my hand now , 現在是多麼想你愛 ......
It's Automatic , 天堂的距離那麼近 , 誰說能體會我的幸福我不相信.......
平淡之中找一些特別日期,在這特別日期慶祝得到你.......
對你太在乎,沒甚麼抱負,只想這心花不會枯.......
這首歌不好播,全是我的錯,我怎可再信任我耳朵.......
失憶周末,集體失憶的周末,連胸襟都可擴闊,連寂寞也都快活.......
~總結~
總括而言,今次演唱會都幾好睇,歌都唔錯,但一休覺得如果Kelly唱多D平時冇plug但又好好聽的歌,個演唱會會仲有驚喜,而且亦都唔夠長,8:30先開場,但連encore 11點唔夠就散場,唔係好夠喉!!!