MUSiC 一休音樂廳 MUSiC

既然一休鍾意聽歌,當然要介紹一D正碟比大家,去片!

1.只愛陌生人~王菲

王菲係我係香港眾多女歌手中最欣賞的,她的歌藝及型格都是好出眾的.這張專輯實在好出色,聽了整整成年都仍然百聽不厭.當中喜愛的有<開到荼糜>,<百年孤寂>,兩首都是Faye式歌曲,我相信香港冇第二個歌手能夠唱出個種味道.一年一張已經足夠.

特別推薦 ~~~~> 開到荼糜 , 百年孤寂 , 催眠

2.First Love ~ 宇多田光

平時好少聽日文歌,因為唔知唱乜.而聽宇多田光都是因為Kelly改左Automatic,但結果我發現這張碟絕對正!!!<Automatic>感覺上同<情不自禁>好相同,而我最鍾意的是<First Love>,旋律真係好正.不過我始終唔明乜係R&B?

3.Destination ~ 張柏芝

對於張柏芝,我一向對她的歌聲沒有期望,所以都沒有失望.我推介這張碟的原因是<男人這東西>這首歌,感覺絕對新鮮.Cecil同高雪嵐好夾呀!

4.Today ~ 梁詠琪

這是我喜歡Gigi的最後一張碟,其中最正的一首歌當然係全港F.7同學們都"感同身受"的Today.這首歌真係勾起了過去兩年的很多片段.

Today while the blossoms still cling to the vine

I'll taste your strawberries I'll your sweet wine

A million tomorrows shall all pass away

Ere we forget all the joy that is ours today.......

5.好時辰 ~ 梁詠琪

Gigi最新的專輯,對於形象,我已經不再留意.反而這次歌曲的質數幾高.最喜歡的有<好不好>,<泡泡世界>,可能Gigi成熟了,所以覺得成熟歌路幾0岩佢.

6.Flora Chan ~ 陳慧珊

Flora的第一張唱片,歌曲質數好高,而且Flora唱功超晒班,絕對比今年其他的新人勁N倍,超級推薦<就算我做錯>,真係好正,她的聲線雖然好高,但絕對唔會刺耳,好舒服!!!!

7.精彩完結篇 ~ 陳小春

小春新精選,其實一休冇買呢隻碟,不過就有聽開小春.其實我鍾意小春的國語歌多過廣東,最愛"無愛男子情歌系列"~<神呀!救救我>係一休的飲歌,歌唱比賽都用佢,不過冇人欣賞,哈!可能唱得唔夠投入,又唔係"一把年紀",始終差少少!<沒那種命>係第二部,歌曲仍然擊中無數無愛男子心坎,一樣夭心夭肺!!!<多謝老天爺>係第三部,可能大家少d聽到,但真係好正,歌詞到point+小春無奈的歌聲~~~>贊呀!

8.A Brand New Me ~ 張柏芝

Cecil新碟,封面幾靚,流露了成熟的味道.至於歌曲方面,今次冇期望,但有失望,比較喜歡的有<不一樣的我>,<一人同遊>.<不一樣的我>好有feel,Cecil把聲夠raw,唱這種爽朗的歌曲好適合.至於<一人同遊>就幾順口,好K啦.但我覺得Cecil今次D歌某D音好似唔係幾到,不過一休唔係"professional",唔敢亂批評.

9.Karen Mok EP ~ 莫文蔚

一休一直都好欣賞Karen,覺得佢好有自己的風格.今次呢張廣東EP得5首歌,不過都幾正.<A Brand New Day>係第一主打,不過一休覺得太普通,冇乜Karen的"型"格.另一首慢版作品<北極光>,歌曲旋律好正,Karen亦演繹得好舒服,但歌詞方面,似乎國語版<盛夏的果實>勝一籌.至於全碟最正的作品係rap作<婦女新知>,歌詞真係好配合,香港亦好少呢類rap歌.

10.黑色領帶 ~ 陳曉東

一休一直都冇乜留意Daniel的作品,覺得唔0岩聽,不過<黑色領帶>有少少改觀,覺得呢首作品幾好聽,亦發覺Daniel唱歌不錯.另外一首慢作<冰箱>亦不俗,旋律及歌手演譯都恰到好處,不過火.但<明天>則比較過火,不及之前兩首作品順耳.

11.Kiss ME Soft Play IT Loud 2 EP ~ 楊千嬅

千嬅最新o既2EP,首先一休覺得個design幾特別,好似X士即影即有菲林盒o甘.講番歌曲本身,慢歌明顯比快歌正,<可人兒>,<少女的祈禱>,<深息>均屬水準之作,曲詞均佳,而千嬅亦演繹得很討好.快歌方面,外界對<內有惡女>的評價不一,一休亦認為千嬅有些力有不棣,但亦不失為好嘗試.總括而言,這張唱片水準頗高.

12.打得火熱 ~ 陳奕迅

Eason轉會後第一砲,主打<打得火熱>絕對正斗,夠晒熱鬧.而一休心水還有<K歌之王>,單睇歌名,還以為是快歌,誰知竟然是情歌,把多首經典正歌融合在其中係其特別之處,睇o黎一休又可以多首飲歌,HAHA~~

**有冇野想講,介紹正碟比我**

back