O-camp 日記 25/8/2000
第一天 23/8 雨天
今日要去ENS個O-camp,一休其實幾緊張,因為一直聽聞大學O-camp會玩得好勁,不過一休上星期係tea gethering都見過班同學,一休相信同佢地相處都應該無問題.今日我地group 2 未入camp前一齊去0左飲茶,感覺好得意,因為都可以算係第一次同新同學相處,不過一休已經遇到一個難題~~人名,實在太難記喇,一休花0左好多時間總算記到自己group D member.不過特別要提一提三個人,佢地係組爸Bobe,組媽Yan同埋Auntie Pheobe,其實佢地都係Year 2的師兄師姐.
入到camp site喇!我地放低0野後就開始玩遊戲,都係一D熱身遊戲.我地組成績唔錯呀.食完晚飯後,我地玩Orienteering,一休以前未玩過,不過玩完之後覺得,雖然好倦,好好熱,但真係好玩,一休亦體驗到teamwork的重要,Group 2 第一呀!yeah~~~
今晚玩完晒所以活動之後,我地組圍埋一齊傾計,我地講左好多0野,我稔大家都應該多0左少少.其實一休都希望同新同學快D熟.
第二天 24/8 雨天
又係落雨,真係有D掃興.今日除0左玩遊戲之外,最特別係Dem cheer,由Year 2教我地叫cheer同埋D手勢,一休覺得好好玩,雖然有D都幾難,不過總算學得識.今晚我地BBQ,除0左我地,仲有好多year 3同埋畢0左業的師兄師姐來了.今晚一休發現0左好多師兄師姐都話ENS幾易讀,一休都放心0左好多,因為一休可以係year 1 試多D其他0野,一休真係唔想再好似中學果陣0甘,乜都唔去試,後悔一次唔好再整多次,一休決定0左唔會做個"潛"的大學生.
第三天 25/8 時晴時雨
今日係最後一日喇,今朝有兩個節目,第一個係cheer competition,我地琴晚度0左一首cheer歌,係改"世間始終你好",雖然係hard-sell D,不過真係唔錯0架~~哈哈
第二個節目係重頭"水戰",不過第一回合要徒手食西瓜再放個殼係頭頂度,嘩!原來好好玩0架,第二回合就真係水戰喇,原本有set rules 0架,不過最後都係亂0甘撥,成身濕晒,不過又好過癮~~
真係要走喇,一休稔要返學先見到新同學喇,今日有好多報0左hall的朋友都入到,一休無申請真係越來越後悔,不過朋友話可以試下報late comer,0甘一休可能都會試報,但係一休無去過hall tour,所以都唔係好清楚邊個0岩自己,希望朋友們都可以比多D意見一休~~
後記
去camp前,一休真係唔覺自己係大學生,但係去完camp後,接觸多0左,發覺大學有好多得意0野,尤其是cheer,一休覺得好過癮,一方面可以同班同學一齊大叫,另一方面對大學個歸屬感都大0左好多,一休開始感覺到自己係HKU一份子.另外,一休對一D大學的用語都好有興趣,有D字眼呢幾日真係成日聽到~~harsh,勁過,潛.......
係呢度真係好多謝Bobe爸,Yan媽,仲有Auntie Pheobe,雖然同你地只係相處0左好短時間,但真係教0左我幾多大學0野,Arigatou!!